~~META:
title = Мікола Чарняўскі — Лясная гаспадыня
&keywords = дуплом
&abstract = Чытаць верш Міколы Чарняўскага "Лясная гаспадыня"
&iftrue = nan
~~

====== Мікола Чарняўскі — Лясная гаспадыня ======
Вавёрка ўжо апошні грыб\\
Зняла з сучка сухога.\\
А лістапад ажно ахрып –\\
Гуляў з вятрамі многа.\\
\\
Бярозы, клёны сярод хвой,\\
Аддаўшы ўборы долу,\\
Глядзяць на шэрань раніцой –\\
Настрой іх невясёлы.\\
\\
І толькі дуб – стары сілач –\\
Трос вохрыстай макушкай.\\
Ён быў дуплом, у ім жыла\\
Вавёрка-сакатушка.\\
\\
Сюды арэхаў, жалудоў,\\
Грыбоў, яловых шышак\\
Назносіла да халадоў:\\
Зімой запас – не лішак.\\
\\
Расклада ўсё дабро ладком.\\
Управілася лоўка\\
І шыльдачку над тым дуплом,\\
Павесіла – «КЛАДОЎКА».

 


===== Падобныя старонкі =====
  * [[творы/мікола-чарняўскі/мікола-чарняўскі-вясёлка-над-полем]]
  * [[творы/мікола-чарняўскі/мікола-чарняўскі-акадэмія-на-колах]]
  * [[творы/мікола-чарняўскі/мікола-чарняўскі-змайстравалі-сані]]
  * [[творы/мікола-чарняўскі/мікола-чарняўскі-ёлка]]
  * [[творы/міхась-чарняўскі/міхась-чарняўскі-вогнепаклоннікі]]