~~META:
title = Мікола Чарняўскі — Колькі ў сонейка сяброў?
&keywords = сонейка, жадаем, сонца, час
&abstract = Верш Міколы Чарняўскага "Колькі ў сонейка сяброў?"
&iftrue = nan
~~

====== Мікола Чарняўскі — Колькі ў сонейка сяброў? ======
Колькі ў сонейка праменняў,\\
Як узыдзе ў летні час?\\
Колькі іх?\\
Відаць, не меней,\\
Чым жыве на свеце нас.

Кожны дзень, як згаснуць зоры,\\
Рупна сонейка ўстае –\\
І ласкава,\\
І бадзёра\\
Нам па промню раздае.

Промні ў вокнах залацяцца,\\
Усміхаюцца ў вачах.\\
Многа сонца –\\
Многа шчасця,\\
Свет спявае ў гэты час.

Аднаго жадаем шчыра –\\
Ззялі б сонцам нашы дні.\\
Аднаго жадаем – міру\\
І зямлі ўсёй – дабрыні.

Неба сцеле промні-сцежкі\\
Да лугоў, азёр, бароў.\\
Сонца – ўсмешку.\\
Мы – усмешку...\\
Колькі ў сонейка сяброў?

 


===== Падобныя старонкі =====
  * [[творы/міхась-чарняўскі/міхась-чарняўскі-вогнепаклоннікі]]
  * [[творы/мікола-чарняўскі/мікола-чарняўскі-акадэмія-на-колах]]
  * [[творы/мікола-чарняўскі/мікола-чарняўскі-ёлка]]
  * [[творы/мікола-чарняўскі/мікола-чарняўскі-змайстравалі-сані]]
  * [[творы/мікола-чарняўскі/мікола-чарняўскі-вясёлка-над-полем]]