~~META:
title = Мікола Чарняўскі — Кастрычнік
&keywords = клён, лісця
&abstract = Чытаць верш Міколы Чарняўскага "Кастрычнік"
&iftrue = nan
~~

====== Мікола Чарняўскі — Кастрычнік ======
Завіруха залатая\\
З дрэў лістоту абмятае.\\
Рассцілае дываны,\\
Дзе ні глянь –

Ляжаць яны.

\\
Ты пазыч мне, клён, клён,\\
Свой убор да летніх дзён.\\
Ён такі залаты –\\
Адвяду ў ім халады.\\
\\
Прыйдзе шчодрая вясна –\\
Верне твой убор яна.\\
Пачакай, бяроза, трошкі, –\\
Дай лісця свайго тры ношкі.\\
\\
Дай лісця свайго ты трошкі –\\
Я рабінцы ўкрыю ножкі.\\


Дай, асіннік, лісце, дай,\\
Што зраблю з ім – не пытай:\\
Вогненнае, быццам медзь,\\
Будзе ўзімку траўку грэць...\\
\\
Прыйшлі Пакровы:\\
"Ці ўсе да зімы гатовы?.."\\
Апусцелі ніва, луг,\\
Гул работ на іх прыглух.\\
\\
Перабраліся дары\\
З град у хаты, на сталы.\\
Лён трашчыць, ляціць кастрыца:\\
"Хто ўкалоцца не баіцца?.."\\
\\
Трэ, ляскоча церніца:\\
"Лён кашуляй вернецца..."\\
Заміргалі ў небе зоркі:\\
"Не забылі пра вячоркі?.."

 


===== Падобныя старонкі =====
  * [[творы/мікола-чарняўскі/мікола-чарняўскі-ёлка]]
  * [[творы/міхась-чарняўскі/міхась-чарняўскі-вогнепаклоннікі]]
  * [[творы/мікола-чарняўскі/мікола-чарняўскі-акадэмія-на-колах]]
  * [[творы/мікола-чарняўскі/мікола-чарняўскі-змайстравалі-сані]]
  * [[творы/мікола-чарняўскі/мікола-чарняўскі-вясёлка-над-полем]]