~~META:
title = Мікола Чарняўскі — Каго баіцца зубр?
&keywords = зубр, янота, пушчы
&abstract = Чытаць верш Міколы Чарняўскага "Каго баіцца зубр?"
&iftrue = nan
~~

====== Мікола Чарняўскі — Каго баіцца зубр? ======
– Зубр, ты ў пушчы –\\
Гаспадар.\\
Зубр, ты ў пушчы –\\
Уладар.\\
А скажы,\\
Прызнайся, дружа,\\
Воч пахмура не адводзь:\\
Ці каго баішся дужа,\\
Ну, не дужа, –\\
Трошкі хоць?..\\
\\
Чмыхнуў зубр,\\
Пахрумстаў,\\
Потым\\
Шумна выдыхнуў:\\
– Янота...\\
\\
– Як? Янота?\\
Кпіш ты мусіць?\\
Гэткага\\
Не можа быць!..\\
– Як хаджу, заўжды баюся, –\\
На яго б\\
Не наступіць!..

 


===== Падобныя старонкі =====
  * [[творы/мікола-чарняўскі/мікола-чарняўскі-акадэмія-на-колах]]
  * [[творы/мікола-чарняўскі/мікола-чарняўскі-ёлка]]
  * [[творы/мікола-чарняўскі/мікола-чарняўскі-змайстравалі-сані]]
  * [[творы/міхась-чарняўскі/міхась-чарняўскі-вогнепаклоннікі]]
  * [[творы/мікола-чарняўскі/мікола-чарняўскі-вясёлка-над-полем]]