~~META:
title = Мікола Чарняўскі — Зязюлька
&keywords = зязюлька, сад, гадкоў, гадоў
&abstract = Верш Міколы Чарняўскага "Зязюлька"
&iftrue = nan
~~

====== Мікола Чарняўскі — Зязюлька ======
– Зязюля, зязюлька,\\
Дзе сёння была?\\
Ці многа, прызнайся,\\
Гадкоў раздала?\\
\\
– Я ў пушчу лятала,\\
У сад за раку,\\
Каго б ні сустрэла,\\
Вітала: ку-ку!\\
\\
Сустрэўся мне ў пушчы\\
Вясёлы гурток –\\
Смех сыпаўся звонка\\
З лістка на лісток.\\
\\
Я слухала дзетак\\
І ў шатах густых\\
Гадоў адлічыла ім –\\
Хопіць на ўсіх!\\
\\
А ў садзе хлапчук мяне\\
Быццам чакаў.\\
Як сонечны зайчык,\\
Між дрэў ён скакаў.\\
\\
Убачыць стараўся\\
Мяне на суку:\\
«Зязюлька, зязюлька,\\
Скажы мне: ку-ку!»\\
\\
Я дзесяць гадкоў\\
Накувала яму.\\
Чаму гэтак скупа,\\
Так мала чаму?\\
\\
Бо знаю Алеся,\\
Бо чула яго:\\
Лічыць да дзесятка\\
Умее ўсяго.\\
\\
Няхай падрасце –\\
Зноў у сад прылячу,\\
І сотню,\\
І болей\\
Гадоў адлічу!

 


===== Падобныя старонкі =====
  * [[творы/міхась-чарняўскі/міхась-чарняўскі-вогнепаклоннікі]]
  * [[творы/мікола-чарняўскі/мікола-чарняўскі-змайстравалі-сані]]
  * [[творы/мікола-чарняўскі/мікола-чарняўскі-ёлка]]
  * [[творы/мікола-чарняўскі/мікола-чарняўскі-акадэмія-на-колах]]
  * [[творы/мікола-чарняўскі/мікола-чарняўскі-вясёлка-над-полем]]