~~META:
title = Мікола Чарняўскі — Змайстравалі сані
&keywords = сані, змайстравалі, ромка, сяргейка, вадзік, андрэйка, юрась, хапіла, майстры, вярбіла, змітрок
&abstract = Чытаць верш Міколы Чарняўскага "Змайстравалі сані"
&iftrue = nan
~~

====== Мікола Чарняўскі — Змайстравалі сані ======
Мы зімою самі\\
Змайстравалі сані.\\
Змайстравалі сані –\\
З хвацкімі насамі.\\
Змайстравалі сані –\\
Спеў пад палазамі!\\
\\
Не дзянёк які, а тры\\
Увіхаліся майстры:\\
Вадзік ды Сяргейка,\\
Ромка ды Андрэйка,\\
Ну і я, Змітрок Вярбіла, –\\
Працы ўсім хапіла:\\
Як палоззе,\\
Гнулі спіны…\\
А Юрась?\\
Той сыпаў… кпіны.\\
\\
Каб праехацца з гары –\\
Селі ў іх спярша\\
Майстры:\\
Вадзік ды Сяргейка,\\
Ромка ды Андрэйка,\\
Ну і я, Змітрок Вярбіла, –\\
Месца ўсім хапіла.\\
\\
– Ты ж, Юрась,\\
З санак –\\
Злазь!

 


===== Падобныя старонкі =====
  * [[творы/мікола-чарняўскі/мікола-чарняўскі-ёлка]]
  * [[творы/мікола-чарняўскі/мікола-чарняўскі-акадэмія-на-колах]]
  * [[творы/мікола-чарняўскі/мікола-чарняўскі-каго-баіцца-зубр]]
  * [[творы/мікола-чарняўскі/мікола-чарняўскі-вясёлка-над-полем]]
  * [[творы/міхась-чарняўскі/міхась-чарняўскі-вогнепаклоннікі]]