~~META:
title = Мікола Чарняўскі — Звярынец захварэў…
&keywords = баба, ангелінка, слухала, тата, захварэў, дзед
&abstract = Апавяданне Міколы Чарняўскага "Звярынец захварэў…"
&iftrue = nan
~~

====== Мікола Чарняўскі — Звярынец захварэў… ======
Любяць Ангелінку дома, ласкава зайчыкам называюць. Слухала, слухала дзяўчынка ды сама ўсім мянушкі прыдумала на свой лад. Першаму – дзеду Міколу. Стаў ён мядзведзем, Міхайлам Патапавічам. Баба Алена лісой зрабілася, Лісаветай Патрыкееўнай. Мама – Вавёрачкай, а тата – Барсуком.\\
Зімою, калі пачынае лютаваць прастуда, першы захварэў тата. За ім – баба. Не ўберагліся і Ангелінка з мамай, таксама захварэлі. Толькі дзед трымаецца: вядома ж, мядзведзь! Тупае які ўжо дзень каля хворых, тэмпературу мерае, есці падае, у аптэку па лекі ходзіць.\\
Ляжыць у пасцельцы Ангелінка, аблізвае перасохлыя вусны язычком, бядуе:\\
– Дзед, што рабіць? Захварэў увесь наш звярынец!

 


===== Падобныя старонкі =====
  * [[творы/мікола-чарняўскі/мікола-чарняўскі-змайстравалі-сані]]
  * [[творы/мікола-чарняўскі/мікола-чарняўскі-ёлка]]
  * [[творы/міхась-чарняўскі/міхась-чарняўскі-вогнепаклоннікі]]
  * [[творы/мікола-чарняўскі/мікола-чарняўскі-вясёлка-над-полем]]
  * [[творы/мікола-чарняўскі/мікола-чарняўскі-акадэмія-на-колах]]