~~META:
title = Мікола Чарняўскі — Вясёлы крос
&keywords = крос, тузік, вясёлы
&abstract = Верш Міколы Чарняўскага "Вясёлы крос"
&iftrue = nan
~~

====== Мікола Чарняўскі — Вясёлы крос ======
Вясёлкай\\
Снег іскрыцца,\\
Пашчыпвае мароз.\\
Ля школы\\
Свята быццам, –\\
У нас\\
Вясёлы крос.\\
\\
Хоць ростам я не ўдаўся,\\
Хоць я не хлопец-зух,\\
Ды ўсё-ткі\\
Не паддамся –\\
Мы з Тузікам удвух!\\
\\
Даюцца цяжка старты,\\
А фінішы – ўдвая!\\
Не, лыжны крос –\\
Не жарты:\\
Няўжо апошні я?\\
\\
Я ходу не збаўляю,\\
Ды на душы адчай:\\
Няўжо сябрам\\
Прайграю?\\
– Гэй, Тузік, выручай!\\
\\
А Тузік скеміў, бачу,\\
Наперад – скок:\\
«Браток,\\
Хапайся, як за ўдачу,\\
Хутчэй\\
За павадок!..»\\
\\
Мы рады: не прысталі –\\
Вітаюць нас гурбой!\\
Мы ўдвух\\
На п’едэстале –\\
І я,\\
І сябра мой!\\
\\
Важаты\\
У гуморы быў,\\
Калі ўручаў мне прыз:\\
– А ты прыдумаў здорава,\\
Не схібіў,\\
Не раскіс!\\
\\
Ты недарма,\\
Адзначу,\\
Вясёлы выйграў крос:\\
І стаў дужэйшым,\\
Бачу,\\
І крышачку –\\
Падрос!

 


===== Падобныя старонкі =====
  * [[творы/міхась-чарняўскі/міхась-чарняўскі-вогнепаклоннікі]]
  * [[творы/мікола-чарняўскі/мікола-чарняўскі-вясёлка-над-полем]]
  * [[творы/мікола-чарняўскі/мікола-чарняўскі-змайстравалі-сані]]
  * [[творы/мікола-чарняўскі/мікола-чарняўскі-ёлка]]
  * [[творы/мікола-чарняўскі/мікола-чарняўскі-акадэмія-на-колах]]