~~META:
title = Мікола Чарняўскі — Буркатун
&keywords = трактар, буркатлівы, трактара, характар
&abstract = Верш Міколы Чарняўскага "Буркатун"
&iftrue = nan
~~

====== Мікола Чарняўскі — Буркатун ======
Дзень у полі не змаўкае трактар –\\
Буркатлівы ў трактара характар.\\
\\
Ды такога не бывае з кім?!\\
Але ж хто нарэжа чорных скіб,\\
Нашнуруе цёплых баразён?\\
Толькі плуг,\\
Ды толькі трактар, ён!\\
\\
Хто пасля пасее рупна збожжа?\\
Сейбіт буркатлівы,\\
Ён жа!\\
\\
Як бурчаць аднойчы перастане –\\
Жыта ў рост вясной тады\\
Не ўстане.\\
Колас поўны,\\
Важкі і бухматы,\\
Хлеб не прынясе на стол у хаты.\\
\\
Вось чаму –\\
Рупіцца яму.\\
Не ўтрымаць да снегу на дварэ –\\
Ён

арэ,

арэ,

арэ,

арэ!

Рады тата, як яго заводзіць:\\
– Малайчына! Цягне! Не падводзіць!\\
Хоць бурчыць, ды не злуецца трактар\\
Працавіты ў трактара характар!

 


===== Падобныя старонкі =====
  * [[творы/міхась-чарняўскі/міхась-чарняўскі-вогнепаклоннікі]]
  * [[творы/мікола-чарняўскі/мікола-чарняўскі-вясёлка-над-полем]]
  * [[творы/мікола-чарняўскі/мікола-чарняўскі-акадэмія-на-колах]]
  * [[творы/мікола-чарняўскі/мікола-чарняўскі-ёлка]]
  * [[творы/мікола-чарняўскі/мікола-чарняўскі-змайстравалі-сані]]