~~META:
title = Мікола Мятліцкі — Яніха
&keywords = Яніха, Мятліцкі
&abstract = Чытаць верш "Яніха" Міколы Мятліцкага
&iftrue = nan
~~

====== Мікола Мятліцкі — Яніха ======
Аерам усланы падворак.\\
Вечар... Мігценне зорак...\\
І Яніха на падворку\\
З Богам вядзе гаворку.\\
\\
Сёмуха!\\
\\
У вышыванцы Яніха.\\
Дастала з матчынай скрыні.\\
Даўно ў вачах згасла раніца,\\
Сяброўкі даўно ў дамавіне.\\
\\
"Селішча от уквеціла –\\
Бога прывеціла...\\
\\
Жывое няхай не зводзіцца..."\\
Ікона у ручніку.\\
Ёй сама Багародзіца,\\
Здалося, дае руку.\\
\\
Хрысціцца ў бліках святла:\\
"У божай ласцы жыла!"\\
\\
Дагледжана ўсё, уходжана.\\
Далоні на стол ляглі.\\
І кажа ёй Матка Божая:\\
– Пабудзь на зямлі...

 


===== Падобныя старонкі =====
  * [[творы/мікола-мятліцкі/мікола-мятліцкі-усмешка-джаконды]]
  * [[творы/мікола-мятліцкі/мікола-мятліцкі-бяссмертнік]]
  * [[творы/мікола-мятліцкі/мікола-мятліцкі-чаканне-сонца]]
  * [[творы/мікола-мятліцкі/мікола-мятліцкі-плошча-перамогі]]
  * [[творы/мікола-мятліцкі/творчасць-міколы-мятліцкага]]