~~META:
title = Мікола Мятліцкі — Павыйдзіце з былінных курганоў...
&keywords = Мятліцкі, курган
&abstract = Чытаць верш "Павыйдзіце з былінных курганоў..." Міколы Мятліцкага
&iftrue = nan
~~

====== Мікола Мятліцкі — Павыйдзіце з былінных курганоў... ======
Павыйдзіце з былінных курганоў,\\
Зямлі маёй былінныя героі.\\
Крылаты прывід смертаноснай зброі\\
Ваш сон зямны сягоння будзіць зноў.\\
\\
Пачуўшы вашы раці за спіной,\\
Лягчэй ступаць пуцінаю зямной.\\
\\
I вы, хто спіць бясслаўна у зямлі\\
У спратах дзён аджытых, паўзабытых,\\
Сягоння абзавіцеся з нябыту —\\
Адкуль і хто вы?..\\
I на што ішлі...\\
\\
Пачуўшы вашу згубу за спіной,\\
Лягчэй ступаць пуцінаю зямной.

 


===== Падобныя старонкі =====
  * [[творы/мікола-мятліцкі/мікола-мятліцкі-бяссмертнік]]
  * [[творы/мікола-мятліцкі/творчасць-міколы-мятліцкага]]
  * [[творы/мікола-мятліцкі/мікола-мятліцкі-усмешка-джаконды]]
  * [[творы/мікола-мятліцкі/мікола-мятліцкі-яніха]]
  * [[творы/мікола-мятліцкі/мікола-мятліцкі-чаканне-сонца]]