~~META:
title = Мікола Мятліцкі — На мове роднай
&keywords = роднай, мове, словы
&abstract = Чытаць верш Міколы Мятліцкага "На мове роднай"
&iftrue = nan
~~

====== Мікола Мятліцкі — На мове роднай ======
Не проста ў словы я гуляю –\\
На мове роднай размаўляю.\\
У час дасветны, вечаровы\\
Кажу пяшчоты цёплай словы:\\
\\
– Дзень добры, сонейка над гаем!\\
Свяці ярчэй над родным краем,\\
Гукай вясну з зямной далечы...\\
Вітанне шлю, марозны вечар!\\
\\
Ты запалі ў нябёсах зоркі,\\
Няхай зіхцяць, вядуць гаворкі,\\
Чаруюць нас красой нязводнай...\\
Я гавару на мове роднай.

 


===== Падобныя старонкі =====
  * [[творы/мікола-мятліцкі/мікола-мятліцкі-чаканне-сонца]]
  * [[творы/мікола-мятліцкі/мікола-мятліцкі-яніха]]
  * [[творы/мікола-мятліцкі/творчасць-міколы-мятліцкага]]
  * [[творы/мікола-мятліцкі/мікола-мятліцкі-бяссмертнік]]
  * [[творы/мікола-мятліцкі/мікола-мятліцкі-усмешка-джаконды]]