~~META:
title = Мікола Мятліцкі — Кніга
&keywords = кніга
&abstract = Чытаць верш Міколы Мятліцкага "Кніга"
&iftrue = nan
~~

====== Мікола Мятліцкі — Кніга ======
Полацк сівы і Няміга,\\
Турава слава зычная…\\
Мяне захапіла кніга\\
Даўняя, гістарычная.\\
\\
Воін сціскае зброю,\\
Памяці стужка нятленная…\\
Шчыра гаворыць са мною\\
Мужная кніга – ваенная.\\
\\
Рупнасць вакол віруе,\\
Росіцца раніца ясная…\\
Сэрца маё чаруе\\
Светлая кніга – сучасная.\\
\\
Ці маразы, ці адліга, –\\
Шэпча свае быліны\\
Вечная наша кніга,\\
Як першадрук Скарыны.

 


===== Падобныя старонкі =====
  * [[творы/мікола-мятліцкі/мікола-мятліцкі-чаканне-сонца]]
  * [[творы/мікола-мятліцкі/мікола-мятліцкі-яніха]]
  * [[творы/мікола-мятліцкі/мікола-мятліцкі-усмешка-джаконды]]
  * [[творы/мікола-мятліцкі/мікола-мятліцкі-бяссмертнік]]
  * [[творы/мікола-мятліцкі/творчасць-міколы-мятліцкага]]