~~META:
title = Мікола Мятліцкі — Верасень
&keywords = верасень
&abstract = Чытаць верш Міколы Мятліцкага "Верасень"
&iftrue = nan
~~

====== Мікола Мятліцкі — Верасень ======
Абходзіць верасень лясы\\
З няпамятных часоў.\\
Тырчаць-тапырацца вусы\\
З блакітных верасоў.\\
\\
Таемнай сцежкаю ідзе\\
Пад ветру спеўны свіст.\\
Блішчыць у доўгай барадзе\\
Зжаўцелы першы ліст.\\
\\
Калі ж прыстане ідучы, –\\
Зацемніцца прастор.\\
Успыхне зырка на плячы\\
Карзіна вабных зор.\\
\\
Кіруе светам цішыня\\
Пад сховаю начы.\\
І будзе верасень да дня\\
Дары свае лічыць.\\
\\
Рукой вятрыстай вытра пот,\\
Прылёгшы на спачын.\\
І кіне з вышы ў мох балот\\
Сузор’і журавін.

 


===== Падобныя старонкі =====
  * [[творы/мікола-мятліцкі/мікола-мятліцкі-яніха]]
  * [[творы/мікола-мятліцкі/мікола-мятліцкі-усмешка-джаконды]]
  * [[творы/мікола-мятліцкі/творчасць-міколы-мятліцкага]]
  * [[творы/мікола-мятліцкі/мікола-мятліцкі-чаканне-сонца]]
  * [[творы/мікола-мятліцкі/мікола-мятліцкі-бяссмертнік]]