~~META:
title = Максім Танк — Ірынка
&keywords = прасіць, прасіла, вясна, вярнулася
&abstract = Чытаць верш Максіма Танка "Ірынка"
&iftrue = nan
~~

====== Максім Танк — Ірынка ======
Ірынцы спадабалася\\
Цудоўная вясна.\\
Як восені даждалася,\\
Пайшла прасіць яна,\\
\\
Прасіць нябёс не хмарыцца,\\
Вятроў – не галасіць,\\
Срабрыстых росаў раніцай\\
На травах не гасіць;\\
\\
Каб сонейка высокае\\
Свяціла на палі,\\
А кветкі сінявокія\\
Зноў на лугох цвілі;\\
\\
Прасіць сям’ю крылатую\\
З лясоў не адлятаць,\\
Бярозку расахатую\\
Лістоў не атрасаць...\\
\\
Прасіла яна шчыра так,\\
Прасіла ўсю зіму,\\
І мо’ вясна аж з выраю\\
Вярнулася таму.\\
\\
Вярнулася, пяе ізноў\\
З бярозкай над ракой,\\
Пяе сярод дуброў, лугоў\\
З Ірынкаю малой.

 


===== Падобныя старонкі =====
  * [[творы/максім-танк/давераснёўская-творчасць-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[постаці/максім-танк]]
  * [[творы/максім-танк/жыццё-і-творчасць-максіма-танка]]
  * [[творы/максім-танк/матывы-і-вобразы-паэзіі-максіма-танка]]