~~META:
title = Максім Танк — Ёсць такая зямля
&keywords = зямля
&abstract = Чытаць верш Максіма Танка "Ёсць такая зямля"
&iftrue = nan
~~

====== Максім Танк — Ёсць такая зямля ======
Ёсць такая зямля, дзе крыніцы звіняць,\\
Пераліўчата ззяюць азёры,\\
Дзе стаяць веліканы – капцы-курганы,\\
Векавечным парослыя борам.\\
Ёсць такая зямля казак, песень, якіх\\
Больш нідзе не пачуць, не знайсці,\\
Дзе ў купальскую зачараваную ноч\\
Расцвітае цвет папараці.\\
\\
Ёсць такая зямля: дзень адзін пражывеш,\\
I адступяць ліхія нягоды,\\
Будзеш марыць аб ёй, будзе сніцца табе,\\
Будзеш помніць яе ты заўсёды.\\
\\
Вось на гэтай зямлі шчасце выпала мне\\
Жыць, за плугам хадзіць і збіраць\\
Непаўторныя казкі і песні яе,\\
Каб, сябры, ўсе іх вам перадаць.

 


===== Падобныя старонкі =====
  * [[творы/максім-танк/жыццё-і-творчасць-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/давераснёўская-творчасць-максіма-танка]]
  * [[постаці/максім-танк]]
  * [[творы/максім-танк/матывы-і-вобразы-паэзіі-максіма-танка]]