~~META:
title = Максім Танк — Шчасце
&keywords = шчасце, чалавека, верша, шчасця, інтанацыяй, удумліва, разважліва, песні, дактыль, робіць, простае, людское
&abstract = Чытаць верш Максіма Танка "Шчасце". Адказы на пытанні да верша
&iftrue = nan
~~

====== Максім Танк — Шчасце ======
Простае шчасце людское,\\
Так, як і наша з табою,\\
\\
Пэўна, складаецца з солі,\\
З хлеба, сабранага ў полі,\\
\\
З поту, з дарожнага пылу,\\
З роднага небасхілу,\\
\\
З дружбы, мацнейшай ад смерці,\\
З песні... І так мне здаецца:\\
\\
Каб з чаго іншага скласці,\\
Дык ці было б яно шчасцем?

\\


**Адказы на пытанні:**\\
1. Шчасце – дабрабыт, асалода, поспех, радасць, фартуна, шанцаванне.\\
2. Хлеб і соль на стале – прыкмета дабрабыту ў беларускай хаце, а значыць шчасця ад багатага ўраджаю.\\
Пот, дарожны пыл, родны небасхіл – праца, дарога дадому робіць чалавека шчаслівым.\\
Дружба мацнейшая – чалавек, які мае сапраўдных сяброў – самы шчаслівы ў свеце\\
Песні – людзі спяваюць і ў горы і ў радасці.\\
3. Пасля слоў "З песні…" стаіць шматкроп’е, бо аўтар робіць сэнсавую паўзу, звяртаючы нашу ўвагу на гэта. "Простае шчасце людское" – у кожнага сваё. У чалавека сваё разуменне і паняцце шчасця.\\
4. Вершаваны памер гэтага верша – [[слоўнік/дактыль|дактыль]]. [[слоўнік/рытм|Рытм]] звязаны з апавядальнай інтанацыяй верша: дактыль вымаўляецца з паніжаючай інтанацыяй, разважліва, удумліва, з ноткамі мінору.\\
5. Верш [[постаці/максім-танк|Максіма Танка]] "Шчасце" патрэбна чытаць удумліва і разважліва.

 


===== Падобныя старонкі =====
  * [[ibdc.ped>шчасце]]
  * [[творы/змітрок-бядуля/змітрок-бядуля-шчасце-не-ў-золаце]]
  * [[ibdc.ped>проста-радасць]]
  * [[творы/янка-сіпакоў/янка-сіпакоў-шчасце]]
  * [[творы/янка-маўр/янка-маўр-шчасце]]