~~META:
title = Максім Танк — У маршы
&keywords = песні, новым, громе, цесны, новай, маланках, новых, вялікімі, прыйшлося, жыць, днямі, пераломе
&abstract = Чытаць верш Максіма Танка "У маршы"
&iftrue = nan
~~

====== Максім Танк — У маршы ======
Жыць нам прыйшлося вялікімі днямі,\\
На пераломе\\
Жалеза і песні,\\
Ў новых маланках, у новым громе.\\
Свет стары грудзям быў цесны.\\
\\
Цесны завулкі і плошчы нашы.\\
Граззю і снегам\\
Іх пазанасіла.\\
Трэба, каб фронтам прайшлі шарэнгі,\\
Песні, штандары і сіла.\\
\\
Толькі каб нашых радоў не ламалі!\\
Хай з паўдарогі,\\
Хто слаб, адыходзіць!\\
Тых, што не вераць у дні перамогі,\\
Трэба не браць у паходы.\\
\\
Плакаць не будзем над паўшымі ў маршы.\\
Не, брат, не варта!\\
Нашто ім малітвы?\\
З новай адвагай, сілай і гартам\\
Іх памянём новай бітвай.\\
\\
Жыць нам прыйшлося вялікімі днямі,\\
На пераломе,\\
У бурным прадвесні,\\
Ў новых маланках, у новым громе\\
Молатам выкутай песні.\\
\\
1935

\\


 


===== Падобныя старонкі =====
  * [[постаці/максім-танк]]
  * [[творы/максім-танк/давераснёўская-творчасць-максіма-танка]]
  * [[творы/максім-танк/жыццё-і-творчасць-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/матывы-і-вобразы-паэзіі-максіма-танка]]