~~META:
title = Максім Танк — Самае доўгае расстанне
&keywords = чарнобылем
&abstract = Чытаць верш Максіма Танка "Самае доўгае расстанне"
&iftrue = nan
~~

====== Максім Танк — Самае доўгае расстанне ======
Усё жыццё складаецца\\
То з мімалётных\\
Радасных сустрэч,\\
То нечаканых і цяжкіх\\
Расстанняў\\
З блізкімі тваімі,\\
З хлебам,\\
З сонцам,\\
Няхай сабе і на кароткі\\
Ці працяглы час.\\
\\
А як жа нам,\\
Асуджаным Чарнобылем,\\
Расстацца\\
На дзесяткі тысяч год\\
З карміцелькай сваёй –\\
Зямлёю амярцвелай!\\
\\
7.V.90

\\
\\
Крыніца: Танк Максім. Мой каўчэг: Вершы. 1989-1992. – Мн.: Маст. літ., 1994. – 207 с.

 


===== Падобныя старонкі =====
  * [[творы/алесь-пісьмянкоў/алесь-пісьмянкоў-1986]]
  * [[творы/мікола-мятліцкі/мікола-мятліцкі-санеты-чарнобыля]]
  * [[творы/артур-вольскі/артур-вольскі-боль-чарнобыля]]
  * [[творы/іншае/сучасная-літаратура-беларусі/тэма-чарнобыля-ў-беларускай-паэзіі]]
  * [[творы/пімен-панчанка/пімен-панчанка-аб-самым-смачным]]