Садзіце лясы! Садзіце лясы
Ва ўсе гадавіны, прыгоды, часы!

I саджанцам, як немаўлятам, зялёным
Давайце на хрэсьбінах гэтых імёны –

Імёны сваіх незабыўных бацькоў,
Імёны каханых, імёны сяброў.

Імёны падзей, што палаюць зарою,
Імёны авеяных славай герояў

I рознапляменных народаў, дзяцей,
Імёны сузор’яў і нашых надзей.

Каб дрэвы і ранняй і позняй парой
Заўсёды шумелі над мірнай зямлёй.

1984

• Давераснёўская творчасць Максіма Танка
• Матывы і вобразы паэзіі Максіма Танка
• Жыццё і творчасць Максіма Танка
• Максім Танк — Люцыян Таполя. Ідэйны змест
• максім-танк