~~META:
title = Максім Танк — Садзіце лясы!
&keywords = імёны, садзіце, лясы
&abstract = Чытаць верш Максіма Танка "Садзіце лясы!"
&iftrue = nan
~~

====== Максім Танк — Садзіце лясы! ======
Садзіце лясы! Садзіце лясы\\
Ва ўсе гадавіны, прыгоды, часы!\\
\\
I саджанцам, як немаўлятам, зялёным\\
Давайце на хрэсьбінах гэтых імёны –\\
\\
Імёны сваіх незабыўных бацькоў,\\
Імёны каханых, імёны сяброў.\\
\\
Імёны падзей, што палаюць зарою,\\
Імёны авеяных славай герояў\\
\\
I рознапляменных народаў, дзяцей,\\
Імёны сузор’яў і нашых надзей.\\
\\
Каб дрэвы і ранняй і позняй парой\\
Заўсёды шумелі над мірнай зямлёй.\\
\\
1984

 


===== Падобныя старонкі =====
  * [[творы/максім-танк/давераснёўская-творчасць-максіма-танка]]
  * [[творы/максім-танк/матывы-і-вобразы-паэзіі-максіма-танка]]
  * [[творы/максім-танк/жыццё-і-творчасць-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[постаці/максім-танк]]