~~META:
title = Максім Танк — Рукі маці
&keywords = цалавала
&abstract = Верш Максіма Танка "Рукі маці"
&iftrue = nan
~~

====== Максім Танк — Рукі маці ======
Іх цалавала зямля\\
Сваімі пясчанымі вуснамі\\
І каласамі;\\
Неба спякотай, вятрамі, дажджамі\\
Іх цалавала.\\
\\
Пража нямала\\
З іх выпіла ў ночы бяссонныя\\
Свежасці ранняй.\\
Колькі яны запалілі світанняў,\\
Зораў над намі.\\
\\
Колькі сягоння на іх\\
Віднеецца чорных, глыбокіх\\
Шрамоў і маршчынаў,\\
Гэта сляды, што навекі пакінуў\\
Шлях наш суровы.\\
\\
Толькі заўсёды,\\
Як мы зберымося дамоў\\
І на стол пакладзе рукі маці,\\
Быццам ад сонца, ад іх пасвятлее ў хаце\\
І ў сэрцы.

 


===== Падобныя старонкі =====
  * [[творы/максім-танк/матывы-і-вобразы-паэзіі-максіма-танка]]
  * [[постаці/максім-танк]]
  * [[творы/максім-танк/давераснёўская-творчасць-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/жыццё-і-творчасць-максіма-танка]]