~~META:
title = Максім Танк — Перапіска з зямлёй
&keywords = пісаў, здароўе, адказ, вечную
&abstract = Чытаць верш Максіма Танка "Перапіска з зямлёй"
&iftrue = nan
~~

====== Максім Танк — Перапіска з зямлёй ======
Я пісаў зямлі многа лістоў\\
Пяром, якім пішуць лірычныя песні,\\
Гімны розныя,

маніфесты;

Пісаў я смыкамі ўсіх скрыпак,\\
Якія смяюцца і плачуць;\\
Пісаў спіцамі дрогкіх калёс,\\
Якарамі і мачтамі караблёў,\\
Штыком

і сапёрнай

лапатай;

Пісаў кубкамі, з якіх п'юць\\
За здароўе і вечную памяць, –\\
Але пакуль што\\
Адказ атрымаў я\\
Толькі на ліст мой,\\
Напісаны плугам.\\
Вось ён.\\
Парэжце на скібы яго.\\
Частуйцеся.\\
Ешце.\\
\\
1964 г.

 


===== Падобныя старонкі =====
  * [[творы/максім-танк/давераснёўская-творчасць-максіма-танка]]
  * [[творы/максім-танк/матывы-і-вобразы-паэзіі-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[постаці/максім-танк]]
  * [[творы/максім-танк/жыццё-і-творчасць-максіма-танка]]