~~META:
title = Максім Танк — Паэзія
&keywords = ведаў, сонца, жылах, пульсуе
&abstract = Чытаць верш Максіма Танка "Паэзія"
&iftrue = nan
~~

====== Максім Танк — Паэзія ======
Я ведаў, што ты – бліскавіца,\\
Што хмары рассекла;\\
Я ведаў, што ты – вызваленне\\
З няволі і пекла,\\
\\
Вясновая кветка,\\
Што камень прабіла магільны,\\
Разведчыка след\\
На дарозе крамністай і пыльнай;\\
\\
Я ведаў, што ты – пацалунак,\\
Ты – дружба і радасць,\\
Ты – чорствага хлеба скарынка\\
I сок вінаграда.\\
\\
А ты аказалася большым:\\
Ты – кроў, што пульсуе па жылах,\\
Ты – сонца, якое\\
Прасторы святлом азарыла,\\
\\
І без чаго, як без маці\\
Або без радзімы,\\
Ні нараджацца, ні жыць\\
На зямлі немагчыма!\\
\\
1955

 


===== Падобныя старонкі =====
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/давераснёўская-творчасць-максіма-танка]]
  * [[постаці/максім-танк]]
  * [[творы/максім-танк/жыццё-і-творчасць-максіма-танка]]
  * [[творы/максім-танк/матывы-і-вобразы-паэзіі-максіма-танка]]