Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Максім Танк — Ой, не гніце, ветры
&keywords = зарою, паясок, ракою, ранняю
&abstract = Чытаць элегію Максіма Танка "Ой, не гніце, ветры"
&iftrue = nan
~~

====== Максім Танк — Ой, не гніце, ветры ======
Ой, не гніце, ветры, вербаў над ракою,\\
Над ракою быстрай не шумі, чарот.\\
Думала дзяўчына ранняю зарою,\\
Летняю зарою ды каля варот.\\
\\
На кашулі белай васількоў галоўкі,\\
Вышыю пралескі міламу свайму,\\
Або пазалотай, або сінім шоўкам\\
Разатку узорна паясок яму.\\
\\
Не гадала верба, што лісты увосень\\
Познім лістападам звянуць, ападуць, –\\
Ранняю зарою думаць не прыйшлося,\\
Што яе сны гэтак рана адцвітуць.\\
\\
Толькі доля шэрай разаткала ніткай\\
Паясок апошні, вузкі паясок...\\
Над жыццём, укрытым арыштанцкай світкай,\\
Расцьвітаў зарою сіні васілёк...\\
\\
Не кукуй, зязюля, хоць так ныюць грудзі,\\
Не губляй ты песень у глушы лясоў.\\
Паўшых за свабоду край наш не забудзе,\\
І народ адпомсціць за сваіх сыноў.

 


===== Падобныя старонкі =====
  * [[творы/пімен-панчанка/пімен-панчанка-прысніўся-сон]]
  * [[творы/максім-багдановіч/не-кувай-ты-шэрая-зязюля]]
  * [[слоўнік/элегія]]
  * [[творы/рыгор-крушына/рыгор-крушына-элегія]]
  * [[творы/аркадзь-куляшоў/аркадзь-куляшоў-элегія]]