~~META:
title = Максім Танк — Напэўна, нашым песням лёс падараваў...
&keywords = грымот, навальніц
&abstract = Чытаць верш аксіма Танка "Напэўна, нашым песням лёс падараваў..."
&iftrue = nan
~~

====== Максім Танк — Напэўна, нашым песням лёс падараваў... ======
Напэўна, нашым песням лёс падараваў\\
Вітальную, сваю няўрымслівую сілу,\\
Настоеную на цяністым шуме траў,\\
На водары малін, крушын і жывасілу.\\
\\
Таму няма патрэбы ў звон набатны біць,\\
Калі пасля грымот і навальніц прадвесніх\\
Пабачыце ўзарваны брук ля камяніц\\
Жывымі, маладымі парасткамі песні.\\
\\
1965\\


 


===== Падобныя старонкі =====
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/матывы-і-вобразы-паэзіі-максіма-танка]]
  * [[постаці/максім-танк]]
  * [[творы/максім-танк/давераснёўская-творчасць-максіма-танка]]
  * [[творы/максім-танк/жыццё-і-творчасць-максіма-танка]]