~~META:
title = Максім Танк — Над ракой
&keywords = ранкам, ракой
&abstract = Чытаць верш "Над ракой" Максіма Танка
&iftrue = nan
~~

====== Максім Танк — Над ракой ======
Над ракой, што прабягае\\
Праз далёкае маленства\\
I забытыя легенды,\\
Неяк зноў спыніўся я.\\
\\
Зноў у тоні, як у люстры,\\
Ўбачыў белыя аблокі,\\
Кучаравыя бярозы,\\
Быстры човен рыбака.\\
\\
I здаецца, каб даўжэй я\\
Паўглядаўся, мог бы ўбачыць\\
I знаёмую русалку,\\
Што тут некалі жыла.\\
\\
Што ля млына кожным ранкам\\
Выплывала рваць лілеі,\\
Потым на зары сушыла\\
Косы русыя свае.\\
\\
Толькі я, неасцярожны,\\
Ідучы, абрушыў камень,\\
I ў разбітым люстры тоні\\
Зніклі цені дзён былых.

 


===== Падобныя старонкі =====
  * [[творы/максім-танк/матывы-і-вобразы-паэзіі-максіма-танка]]
  * [[постаці/максім-танк]]
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/жыццё-і-творчасць-максіма-танка]]
  * [[творы/максім-танк/давераснёўская-творчасць-максіма-танка]]