~~META:
title = Максім Танк — Мой каўчэг
&keywords = Танк, каўчэг
&abstract = Чытаць верш Максіма Танка "Мой каўчэг"
&iftrue = nan
~~

====== Максім Танк — Мой каўчэг ======
Мой каучэг —\\
Толькі больш загружаны,\\
Як Ноеў.\\
Бо і пасланцамі\\
Розных плямён і народаў\\
З іх засляпеннямі і разладамі\\
Перадаюць з рук у рукі,\\
З пашчы ў пашчу\\
Штормы,\\
Тайфуны,\\
Цунамі.\\
\\
Амаль кожны дзень\\
Я выпускаю папары\\
Галубоў-разведчыкаў\\
У пошукі\\
Мірнага прыстанішча.\\
Але пакуль што\\
Усе яны прыносяць —\\
Не зялёныя галінкі\\
Пальмы ці алівы,—\\
А атручаныя\\
Промні бліскавіц.\\
Хірасімы,\\
Нагасакі,\\
Чарнобыля,\\
Пачарнелыя каласы збажыны\\
I гарачыя ад крыві\\
Гільзы патронаў.

Крыніца: Танк Максім. Мой каўчэг: Вершы. 1989-1992. – Мн.: Маст. літ., 1994. – 207 с.

 


===== Падобныя старонкі =====
  * [[творы/максім-танк/ідэйны-змест-паэмы-максіма-танка-люцыян]]
  * [[постаці/максім-танк]]
  * [[творы/максім-танк/матывы-і-вобразы-паэзіі-максіма-танка]]
  * [[творы/максім-танк/давераснёўская-творчасць-максіма-танка]]
  * [[творы/максім-танк/жыццё-і-творчасць-максіма-танка]]