~~META:
title = Максім Танк — Ля гэтых сосен
&keywords = сосен, куля
&abstract = Чытаць верш Максіма Танка "Ля гэтых сосен"
&iftrue = nan
~~

====== Максім Танк — Ля гэтых сосен ======
Ля гэтых сосен нельга не спяваць.\\
Нібы ахопленыя полымем пажару,\\
Яны, чырванастволыя, шумяць,\\
\\
Калышучы вяршаліны, як хмары.\\
Гуллівыя, густыя, ад якіх\\
Не знае цішыні – спакою Нарач.\\
\\
Ля гэтых сосен цяглых, векавых\\
Не ўспомніць нельга грозных дзён мінулых\\
I партызанскіх вогнішчаў і тых,\\
Чые курганы слава ахінула.\\
Яшчэ і сёння з кожнага ствала\\
Смала слязіцца, дзе ўпілася куля.\\
\\
Ля гэтых сосен маладосць прайшла,\\
I я ў дні вераснёвыя свабоду\\
Сустрэў тут, ля рыбацкага сяла.\\
\\
Таму мне дорагі яны заўсёды,\\
I ў сэрцы. Знаю, іх вясенні шум\\
Ніякая не згасіць непагода.\\
\\
Ля гэтых сосен я табе пішу,\\
Яны шумяць пад сонечным блакітам.\\
Калі не мне, дык ім, цябе прашу,\\
Як некалі, хоць песняй адкажы ты!..\\
\\
1952

 


===== Падобныя старонкі =====
  * [[творы/алесь-салавей/алесь-салавей-о-не-ня-цёмным-воблакам-шп]]
  * [[слоўнік/тэрцына]]
  * [[творы/алесь-салавей/алесь-салавей-восеньскія-тэрцыны]]
  * [[творы/алесь-салавей/алесь-салавей-мала]]
  * [[творы/янка-сіпакоў/янка-сіпакоў-тэрцыны-пра-наручнікі]]