~~META:
title = Максім Танк — Курапаты
&keywords = расстрэльвалі
&abstract = Чытаць верш Максіма Танка "Курапаты"
&iftrue = nan
~~

====== Максім Танк — Курапаты ======
//Мёртвыя раскрываюць вочы жывым.//

//Прымаўка//

\\
Хто б адкуль ні прыйшоў,\\
Хоць на міг прыпыніся\\
І за тых, што загінулі\\
Тут, памаліся.\\
\\
Мо не знаеш імён,\\
Але знай: ноч і дзень\\
Тут расстрэльвалі каты\\
Нявінных людзей.\\
\\
Тут расстрэльвалі\\
I дзяцей і бацькоў,\\
Нашу праўду,\\
Братэрскую дружбу, любоў,\\
\\
Нашу мову і песні,\\
Што рваліся ўвысь,\\
Нашу будучыню,\\
Веру ў сацыялізм.\\
\\
Помні: тыя, што\\
Самаахвярна тут палі,\\
На пакутнай зямлі\\
Гэта ўсё ратавалі.\\
\\
9.ІІІ.89

\\
Крыніца: Танк Максім. Мой каўчэг: Вершы. 1989-1992. – Мн.: Маст. літ., 1994. – 207 с.

 


===== Падобныя старонкі =====
  * [[творы/максім-танк/давераснёўская-творчасць-максіма-танка]]
  * [[творы/максім-танк/жыццё-і-творчасць-максіма-танка]]
  * [[постаці/максім-танк]]
  * [[творы/максім-танк/матывы-і-вобразы-паэзіі-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]