~~META:
title = Максім Танк — Красуня
&keywords = хусцінка
&abstract = Чытаць верш Максіма Танка "Красуня"
&iftrue = nan
~~

====== Максім Танк — Красуня ======
Яшчэ маці не купіла\\
Чаравічак – ходзіць босай,\\
Яшчэ добра не адмыла\\
Ад вяснушак твар курносы,\\
\\
А ўжо, стаўшы ў люстра лужы,\\
Са здзіўленнем паглядае,\\
Як бутон чырвонай ружы\\
Пад хусцінкаю палае.\\
\\
1961

 


===== Падобныя старонкі =====
  * [[творы/максім-танк/матывы-і-вобразы-паэзіі-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[постаці/максім-танк]]
  * [[творы/максім-танк/жыццё-і-творчасць-максіма-танка]]
  * [[творы/максім-танк/давераснёўская-творчасць-максіма-танка]]