~~META:
title = Максім Танк — Завушніцы
&keywords = прасіў, хацеў, прызнацца, завушніцы, час, каханне
&abstract = Верш Максіма Танка "Завушніцы"
&iftrue = nan
~~

====== Максім Танк — Завушніцы ======
О, колькі раз прасіў я\\
Назначыць мне спатканне;\\
О, колькі раз хацеў я\\
Прызнацца ёй у каханні!\\
Ды ўсё перашкаджалі,\\
Калі дзяўчыне верыць,\\
То павадак вясновы,\\
То прымаразак-шэрань.\\
Але і я – упарты.\\
І каб свайго дабіцца,\\
Прасіў я шчыра майстра\\
Зрабіць ёй завушніцы.\\
На гэтых завушніцах\\
Я напісаў закляцце –\\
Усё, што не сказаў ёй,\\
А ў чым хацеў прызнацца.\\
Сягоння не ўцячэ ўжо\\
Ад слоў маіх гарачых\\
Ні ў час, калі смяецца,\\
Спявае або плача.\\
Ні ў час, калі прыляжа,\\
Змарыўшыся, змярканнем, –\\
Звіняць ёй завушніцы\\
Ўсё пра маё каханне.\\
\\
1959

 


===== Падобныя старонкі =====
  * [[творы/максім-танк/давераснёўская-творчасць-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/матывы-і-вобразы-паэзіі-максіма-танка]]
  * [[творы/максім-танк/жыццё-і-творчасць-максіма-танка]]
  * [[постаці/максім-танк]]