~~META:
title = Максім Танк — Бабка і кот
&keywords = віноўнік, збег
&abstract = Чытаць верш Максіма Танка "Бабка і кот"
&iftrue = nan
~~

====== Максім Танк — Бабка і кот ======
Так непаседа кот паблытаў\\
Клубкі крутых кужэльных нітак,\\
\\
Што бабцы і да дня ці ўдасца\\
У блытаніне разабрацца,\\
\\
Як у сваіх снах, успамінах,\\
Жыцця мінулага сцяжынах,\\
\\
У цвыркуновай песні ў хаце,\\
У шэпаце прысад і пацер...\\
\\
– Мо памагчы? – Не трэ, хлапчына..\\
Хіба лепш пасвяці лучынай.\\
\\
Шкада: віноўнік збег ад кары\\
Дзесь на гарышча, як за хмару,\\
\\
Адкуль паглядвае часамі\\
На свой гармідар зіркачамі,\\
\\
На качарэжнік, дзе сам знае,\\
Што памяло яго чакае.

 


===== Падобныя старонкі =====
  * [[творы/максім-танк/жыццё-і-творчасць-максіма-танка]]
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/матывы-і-вобразы-паэзіі-максіма-танка]]
  * [[творы/максім-танк/давераснёўская-творчасць-максіма-танка]]
  * [[постаці/максім-танк]]