~~META:
title = Максім Танк — Антысанет
&keywords = санет
&abstract = Чытаць верш "Антысанет" Максіма Танка
&iftrue = nan
~~

====== Максім Танк — Антысанет ======
Што сваёй Музе рупнай, працавітай\\
Я падару на схіле сваіх лет?\\
Мо з дрэва райскага прынесены ранет,\\
Пярсцёнак Палікрата срэбраліты?\\
\\
Мо чару, поўную вясновага блакіту,\\
Ці нейкіх кветак палявых букет,\\
А мо гарэзу прыбяру ў санет –\\
У вопратку багіняў старажытных?\\
\\
Як гэты вабны ўбор да твару ёй!\\
Чаму ж не радуешся, дарагая?\\
– Як мне ў ім дзіцянё карміць, не знаю,\\
\\
Як працаваць і цешыцца з табой,\\
Калі санет твой грудзі і стан мой\\
Чатырнаццаццю клямрамі сціскае.\\
\\
1974

 


===== Падобныя старонкі =====
  * [[постаці/максім-танк]]
  * [[творы/максім-танк/ідэйны-змест-паэмы-максіма-танка-люцыян]]
  * [[творы/максім-танк/давераснёўская-творчасць-максіма-танка]]
  * [[творы/максім-танк/жыццё-і-творчасць-максіма-танка]]
  * [[творы/максім-танк/матывы-і-вобразы-паэзіі-максіма-танка]]