~~META:
title = Максім Лужанін — Снег
&keywords = белы
&abstract = Чытаць верш Максіма Лужаніна "Снег"
&iftrue = nan
~~

====== Максім Лужанін — Снег ======
Вось заладзілі дажджы,\\
Сеў і з хаты не бяжы.\\
\\
Толькі вечарам учора\\
Падмярзаць стаў панадворак,\\
\\
Хмары некуды сплылі,\\
Зоры ў небе зацвілі...\\
\\
А пасля ўсхадзіўся вецер,\\
Выў у коміне ўвесь вечар.\\
\\
Так я з гэтым і заснуў,\\
А на ранне, як зірнуў, –\\
Вось, здаецца б, і пабег:\\
Белы,\\
Белы,\\
Белы\\
Снег.\\
Ветру нудна не было,\\
Накруціла, намяло:\\
\\
А далёка,\\
А глыбока,\\
А высока,\\
Аж да вокан!\\
І на полі,\\
І на голлі,\\
Дзе ні глянеш,\\
Дзе ні станеш, –\\
А-я-яй! Які сняжок:\\
Што ні ступіш, дык слядок.

 


===== Падобныя старонкі =====
  * [[творы/якуб-колас/якуб-колас-першы-снег]]
  * [[ibdc.ped>першы-снег-3700]]
  * [[ibdc.ped>першы-снег]]
  * [[творы/юрась-свірка/юрась-свірка-з-першым-снегам]]
  * [[творы/казімір-камейша/казімір-камейша-першы-снег]]