~~META:
title = Максім Лужанін — На ўсходзе сонца
&keywords = сонца, хустачку
&abstract = Чытаць верш Максіма Лужаніна "На ўсходзе сонца"
&iftrue = nan
~~

====== Максім Лужанін — На ўсходзе сонца ======
Зноў як раней у краі тым:\\
Высакагорныя абвалы,\\
Лясы, над прорвамі масты...\\
I сонца ціхенька спытала:\\
– А дзе забавілася ты?\\
\\
Ты скрозь пазнілася тады.\\
Машыны, вадаспады, людзі –\\
Усе збіваліся з хады,\\
Але ўсміхаліся марудзе\\
I даравалі:

– Паўбяды!

\\
А як уцешна мне было,\\
Што сонца, хоць усе абшары\\
Даўно чакалі на святло,\\
Пакуль ты хустачку да твару\\
Не завязала, –

не ўзышло!

\\
//7.VI.1957//

\\
\\
Крыніца: Лужанін М. Выбраныя творы. У 2 т. Т. 1. Вершы / Прадм. А. Куляшова. – Мінск: Мастацкая літаратура, 1993. – 318 с.

 


===== Падобныя старонкі =====
  * [[ibdc.ped>сонца-не-стаіць-на-месцы]]
  * [[творы/якуб-колас/якуб-колас-усход-сонца]]
  * [[творы/васіль-вітка/васіль-вітка-хто-памагае-сонцу]]
  * [[творы/эдзі-агняцвет/эдзі-агняцвет-галоўны-дворнік]]
  * [[ibdc.ped>гімн-жыццю]]