~~META:
title = Максім Лужанін — Міхалкавы запісы пра вятры
&keywords = вецер, хвой, вулей
&abstract = Чытаць верш Максіма Лужаніна "Міхалкавы запісы пра вятры"
&iftrue = nan
~~

====== Максім Лужанін — Міхалкавы запісы пра вятры ======
Павінны ведаць вы, сябры,\\
Што вельмі крыўдзяцца вятры,\\
Калі сказаць, што ў свеце\\
Адзін існуе вецер,\\
Усходні ці заходні,\\
Лагодны ці халодны.\\
Калі дыхне мядком з садоў,\\
Павее квеценню з лугоў,\\
Дык ведай: там ад рання\\
На працу стаў Мядзвянік.\\
Ён знае абавязак свой,\\
Нясе пылок ад хвой да хвой,\\
З расліны на расліну,\\
З травіны на травіну,\\
Каб завязалі завязь\\
Антонаўка і вішня.\\
Калі ж сустрэнецца з пчалой,\\
Ён дапамогу дасць малой,\\
Пад крыльца падтрымае,\\
Пот з рыльца абдзімае:\\
– Ляці хутчэй у свой вулей,\\
Назбірвай мёд\\
На цэлы год.\\
\\
Упраўны вецер\\
Вадахват,\\
Шумлівы, белабрысы,\\
Матне шырозным крыссем –\\
На ўзгорках пасушэе,\\
У долах патужэе,\\
I затахкае матор,\\
I пара ўздымецца з разор,\\
I ляжа чорным хібам\\
Адгорнутая скіба.

 


===== Падобныя старонкі =====
  * [[творы/максім-лужанін/максім-лужанін-добры-хлопец-дзік]]
  * [[творы/максім-лужанін/максім-лужанін-смутная-радасць]]
  * [[творы/максім-лужанін/максім-лужанін-беларускаму-народу]]
  * [[творы/максім-лужанін/максім-лужанін-снег-трэці-дзень]]
  * [[творы/максім-лужанін/максім-лужанін-чарнобыльскі-вецер]]