~~META:
title = Максім Лужанін — Ліст малому сябру
&keywords = хоць
&abstract = Верш Максіма Лужаніна "Ліст малому сябру"
&iftrue = nan
~~

====== Максім Лужанін — Ліст малому сябру ======
На касе паміж азёр\\
Ціхі, цёплы, сонны бор,\\
А ў бары хаціна ёсць, –\\
Ты ў яе – жаданы госць.\\
\\
Тут жывіцы свежы пах,\\
Тут спявае смелы шпак,\\
А сінічак тых, дзяўбух,\\
Не палічым мы і ўдвух.\\
\\
Адсачыў я ў гушчары\\
Дзве лісіныя нары,\\
Калі пойдзе ўсё на лад,\\
Дык пабачым лісянят.\\
\\
Хоць на трохі, хоць на чуць\\
Прыязджай ды не марудзь!\\
\\
1969

 


===== Падобныя старонкі =====
  * [[ibdc.ped>крыштальны-звон-бяроз]]
  * [[ibdc.ped>беражыце-прыроду]]
  * [[творы/якуб-колас/карціны-роднай-прыроды-ў-паэме-новая-зям]]
  * [[ibdc.ped>чалавек-і-прырода]]
  * [[ibdc.ped>зімовы-начлег]]