~~META:
title = Максім Лужанін — Дарада сэрцу
&keywords = сэрца, парвіся, пагрозе
&abstract = Чытаць верш Максіма Лужаніна "Дарада сэрцу"
&iftrue = nan
~~

====== Максім Лужанін — Дарада сэрцу ======
Маркотна мне вясну страчаць у мяккім ложку.\\
Хваробы – што рабіць! – бяруць сваё

патрошку,

Пільнуюць з-за вугла: не разыходзься дужа,\\
Пара на тармазы больш націскаць, мой дружа!\\
Марней, хадзі цішком у медыцынскіх лейцах,\\
Абы не хваляваць і не натужыць сэрца.\\
Астудзіш так яго, і ўжо не сэрца будзе,\\
А торбачка крыві, што ні сабе ні людзям...\\
\\
Хутчэй устань, ідзі, у твар глядзі пагрозе,\\
Парвіся, сэрца, лепш ты з песняю ў дарозе.\\
\\
1971\\


\\
Крыніца: Лужанін М. Збор твораў. У 4-х т. Т. 3. Падарожныя нізкі; Вершы 1966-1973; Як нараджаўся новы свет; Рэпартаж з рубцом на сэрцы. – Мінск: Мастацкая літаратура, 1981. – 512 с.

 


===== Падобныя старонкі =====
  * [[творы/максім-лужанін/максім-лужанін-добры-хлопец-дзік]]
  * [[творы/максім-лужанін/максім-лужанін-беларускаму-народу]]
  * [[творы/максім-лужанін/максім-лужанін-смутная-радасць]]
  * [[творы/максім-лужанін/максім-лужанін-чарнобыльскі-вецер]]
  * [[творы/максім-лужанін/максім-лужанін-снег-трэці-дзень]]