~~META:
title = Максім Гарэцкі — У панскім лесе
&keywords = ляснік, маладуха
&abstract = Чытаць апавяданне "У панскім лесе" Максіма Гарэцкага
&iftrue = nan
~~

====== Максім Гарэцкі — У панскім лесе ======
— Ах ты, рагатун пракляты! Адлезь, табе кажу, а то, брат, поўху зловіш, ці ведаеш!\\
— А стой, не спужаліся. Дый не карожся дарма, пакуль з табой як з добраю. Не хочаш з ласкі, будзе без ласкі!\\
— Уцякай, падла стары. Мяшок бяры, хустку бяры, абдзірай, сабака папскі, а гэткія жарты пакінь, поскудзь ты!\\
— А мы во як...\\
— Ы-ы, не чапай...\\
Хрась! Хрась!\\
Забаўтаўся стары ляснік, пахіліўся, раскірэчыў ногі і саўсім непрыгожа асеў к зямлі.\\
Дрыгнуў шабадранымі ботамі, пацягнуўся.\\
Чорная, гідкая, страшная кроў паплыла ў яго з галавы, пэцкала новы жупан, стрэльбу.\\
Маладуха астаўпянела, з жахам вытрашчыла вочы, тупы шчапель, што карэнне капала, шмякнуў з рук на зямлю.\\
Ой! Тошна, дрэнна... Няма як аджывіць. Тое ўжо павекі.\\
Бежч... бежч... О-ё-ё-ёй... Што гэта?\\
Дрэвы нядобра заківалі макаўкамі, прытулілася трава, ледзьве трэснуў сучок, лёгкая болачка ўцякла з аднаго боку неба па другі.\\
Бегла, як шалёная, маладуха.\\
Ляжаў, як калода, стары ляснік.

 


===== Падобныя старонкі =====
  * [[творы/якуб-колас/казкі-жыцця/якуб-колас-стары-лес]]
  * [[творы/рыгор-ігнаценка/рыгор-ігнаценка-вартавы-цішыні]]
  * [[творы/рыгор-ігнаценка/рыгор-ігнаценка-сон-у-лесе]]
  * [[ibdc.ped>восеньскі-лес]]
  * [[ibdc.ped>у-лесе]]