~~META:
title = Максім Гарэцкі — Скрыпачка
&keywords = бедныя, бедны, гняла, сыну, скрыпачку, дзеткі, думка
&abstract = Чытаць апавяданне Максіма Гарэцкага "Скрыпачка"
&iftrue = nan
~~

====== Максім Гарэцкі — Скрыпачка ======
Увесь час гняла яго думка, што бедны ён дужа. I сох ад думак, гаспадарку занядбаў, усё, што яму бацька адказаў, пагоршала.\\
Беднасць астатняя ў госці прыйшла.\\
– Асілачак мой бедны! – казаў часам свайму малому сыну. – Я бедны, і дзеткі мае бедныя, а ты будзеш яшчэ бяднейшы, і дзеткі твае будуць яшчэ бяднейшыя. Але падрастаў бы ты барзджэй. Ратаваў бы мяне сваёю сілаю. Ах ты, дзетка маё любае, нешчаслівыя мы.\\
– Ты мне, татка, скрыпачку купі, я табе «Таўкачыкаў» сыйграю.\\
А ўжо іграў на скрыпачцы з лучынкі і з нітачкамі заместа струн. Дужа бедная была тая самаробленая скрылачка.\\
– Детка маё! Купіў бы табе скрыпачку, але купіла ў нас няма. А можа, табе лепей дуду? – жартаваў з дзіцянём.\\
– Не, я ле хачу дуды: яна дужа нязручная.\\
– Падрасцеш, дык пазручнее... – казаў ён сыну абы-што, а думка так і гняла, так і гняла, што бедныя, бедныя, дужа яны бедныя.\\
\\
\\
Крыніца: Гарэцкі М. Збор твораў. У 4-х т. Т. 1. Апавяданні / [Аўт. прадм. А. Адамовіч]. – Мн. Маст, літ., 1984. – 446 с.

 


===== Падобныя старонкі =====
  * [[творы/максім-гарэцкі/максім-гарэцкі-рускі]]
  * [[творы/максім-гарэцкі/апавяданні-максіма-гарэцкага-ранняга-пер]]
  * [[ibdc.ped>скрыпачка]]
  * [[ibdc.ped>абуджэнне]]
  * [[ibdc.ped>скрыпачка-3641]]