~~META:
title = Максім Багдановіч — Я хацеў бы спаткацца з Вамі на вуліцы...
&keywords = Багдановіч, спаткацца
&abstract = Чытаць верш Максіма Багдановіча "Я хацеў бы спаткацца з Вамі на вуліцы..."
&iftrue = nan
~~

====== Максім Багдановіч — Я хацеў бы спаткацца з Вамі на вуліцы... ======
Я хацеў бы спаткацца з Вамі на вуліцы\\
У ціхую сінюю ноч\\
I сказаць:\\
"Бачыце гэтыя буйныя зоркі,\\
Ясныя зоркі Геркулеса?\\
Да іх ляціць нашае сонца,\\
I нясецца за сонцам зямля.\\
Хто мы такія?\\
Толькі падарожныя, – папутнікі сярод нябёс.\\
Нашто ж на зямлі\\
Сваркі і звадкі, боль і горыч,\\
Калі ўсе мы разам ляцім\\
Да зор?"

 


===== Падобныя старонкі =====
  * [[творы/максім-багдановіч/максім-багдановіч-маёвая-песня]]
  * [[творы/максім-багдановіч/патрыятычная-лірыка-максіма-багдановіча]]
  * [[творы/максім-багдановіч/творчасць-максіма-багдановіча]]
  * [[творы/максім-багдановіч/максім-багдановіч-вадзянік]]
  * [[творы/максім-багдановіч/максім-багдановіч-страцім-лебедзь]]