~~META:
title = Максім Багдановіч — У Вільні
&keywords = горада, вакзала
&abstract = Верш Максіма Багдановіча "У Вільні"
&iftrue = nan
~~

====== Максім Багдановіч — У Вільні ======
Ліхтарняў свет у сіняй вышыне...\\
Вітрынамі зіяючыя крамы,\\
Кавярні, мора вывесак, як плямы,\\
Анонсы і плакаты на сцяне.\\
\\
Кіпіць натоўп на жорсткім вулак дне!\\
Снуюць хлапцы, суюшчыя рэкламы…\\
Разносчыкі крычаць ля кожнай брамы…\\
Грук, гоман, гул, – усё ракой імкне.\\
\\
А дальш – за радам кас, ламбардаў, банкаў, –\\
Агні вакзала… павадка хурманкаў…\\
Віры людзей… сіпяшчы паравоз…\\
\\
Зялёны семафор… пакгаўз… склады…\\
Заводаў коміны пад цьмой нябёс…\\
О, горада чароўные прынады!

 


===== Падобныя старонкі =====
  * [[творы/максім-багдановіч/максім-багдановіч-страцім-лебедзь]]
  * [[творы/максім-багдановіч/патрыятычная-лірыка-максіма-багдановіча]]
  * [[творы/максім-багдановіч/творчасць-максіма-багдановіча]]
  * [[творы/максім-багдановіч/максім-багдановіч-вадзянік]]
  * [[творы/уладзімір-жылка/уладзімір-жылка-вершы-аб-вільні]]