~~META:
title = Максім Багдановіч — Перад паводкай
&keywords = адлігі, змые, луга, размоклы, снег, крыгі
&abstract = Чытаць верш Максіма Багдановіча "Перад паводкай"
&iftrue = nan
~~

====== Максім Багдановіч — Перад паводкай ======
Праясняецца пагода,\\
Бо вярнулася вясна.\\
Ўсё чакаеш, што прырода\\
Ўстрапянецца ада сна.\\
\\
I пад птушы крык і гоман,\\
Даўшы хвалям вольны ход,\\
Прыпадыме бацька Нёман\\
На хрыбце магутным лёд.\\
\\
Зазвіняць жалобна крыгі,\\
I бурлівая вада\\
Снег, размоклы ў час адлігі,\\
Змые з луга без сляда.\\
\\
Дык разлійся жа раздольна\\
Ў чыстым полі і гаю\\
I красой паводкі вольнай\\
Душу выпрастай маю!

 


===== Падобныя старонкі =====
  * [[творы/максім-багдановіч/максім-багдановіч-вадзянік]]
  * [[творы/максім-багдановіч/творчасць-максіма-багдановіча]]
  * [[ibdc.ped>вясновая-паводка]]
  * [[творы/максім-багдановіч/патрыятычная-лірыка-максіма-багдановіча]]
  * [[ibdc.ped>веснавая-паводка]]