~~META:
title = Максім Багдановіч — Зімой
&keywords = Багдановіч, зімой
&abstract = Чытаць верш Максіма Багдановіча "Зімой"
&iftrue = nan
~~

====== Максім Багдановіч — Зімой ======
Здароў, марозны, звонкі вечар!\\
Здароў, скрыпучы, мяккі снег!\\
Мяцель не вее, сціхнуў вецер,\\
I волен лёгкіх санак бег.\\
\\
Як мары, белыя бярозы\\
Пад сінявой начной стаяць,\\
У небе зоркі ад марозу\\
Пахаладзеўшыя дрыжаць.\\
\\
Вільготны месяц стуль на поле\\
Празрысты, светлы стоўп спусціў\\
I рызай срэбнаю раздолле\\
Снягоў сінеючых пакрыў.\\
\\
Ўзрывайце ж іх санямі, коні!\\
Звіні, вясёлых бомаў медзь!\\
Вакол лятуць бары і гоні,\\
Ў грудзях пачала кроў кіпець.

 


===== Падобныя старонкі =====
  * [[творы/цішка-гартны/цішка-гартны-зімовы-вечар]]
  * [[творы/ларыса-геніюш/ларыса-геніюш-на-каньках]]
  * [[творы/кастусь-жук/кастусь-жук-беларуская-зіма]]
  * [[ibdc.ped>зімой-у-лесе]]
  * [[творы/кастусь-жук/кастусь-жук-снежань]]