~~META:
title = Максім Багдановіч — Змяіны цар
&keywords = цёмным, залаты
&abstract = Чытаць верш Максіма Багдановіча "Змяіны цар"
&iftrue = nan
~~

====== Максім Багдановіч — Змяіны цар ======
У цёмным небе – хараводы\\
Сіняватых зорак,\\
Ў цёмным небе свеціць месяц\\
Залатым сярпом...\\
Мы выходзім з цесных, душных\\
Падзямельных норак,\\
На зімовы цёплы вырай\\
Цягнемся-паўзём.\\
\\
Ў полі, ў лесе нам усюды\\
Праляглі дарожкі!\\
Й стужкай рушымся між пушчы,\\
На сам перад – я.\\
Зіхацяць маёй кароны\\
Залатыя рожкі,\\
Цёмным блескам адлівае\\
Ўся луска мая.\\
\\
Нам не трэба ні ад чога\\
Ноччу абароны:\\
Ўбачыць знахар – пуць усцеле\\
Белым палатном;\\
Залаты ражок яму\\
Я ўраню з кароны,\\
I па белай палатніне\\
Далыш мы папаўзём.

 


===== Падобныя старонкі =====
  * [[творы/максім-багдановіч/максім-багдановіч-вадзянік]]
  * [[творы/максім-багдановіч/творчасць-максіма-багдановіча]]
  * [[творы/максім-багдановіч/патрыятычная-лірыка-максіма-багдановіча]]
  * [[творы/максім-багдановіч/максім-багдановіч-маёвая-песня]]
  * [[творы/максім-багдановіч/максім-багдановіч-страцім-лебедзь]]