~~META:
title = Максім Багдановіч — Возера
&keywords = лясун, жыццё
&abstract = Чытаць верш Максіма Багдановіча "Возера"
&iftrue = nan
~~

====== Максім Багдановіч — Возера ======
Стаяў калісь тут бор стары,\\
І жыў лясун у тым бары.\\
Зрубалі бор – лясун загінуў.\\
Во след яго ад той пары:\\
Сваё люстэрка ён пакінуў.\\
\\
Як у нязнаны свет акно,\\
Ляжыць, халоднае, яно,\\
Жыццё сабою адбівае\\
І ўсё, што згінула даўно,\\
У цёмнай глыбіні хавае.

 


===== Падобныя старонкі =====
  * [[ibdc.ped>свіцязь]]
  * [[ibdc.ped>навальніца-на-возеры]]
  * [[ibdc.ped>самае-глыбокае-возера]]
  * [[ibdc.ped>на-беразе-нарачы]]
  * [[ibdc.ped>лясное-возера]]