~~META:
title = Максім Багдановіч — Вечар на захадзе ў попеле тушыць...
&keywords = вечар, зорак
&abstract = Чытаць верш Максіма Багдановіча "Вечар на захадзе ў попеле тушыць..."
&iftrue = nan
~~

====== Максім Багдановіч — Вечар на захадзе ў попеле тушыць... ======
Вечар на захадзе ў попеле тушыць\\
Кучу чырвоных кавалкаў вугля;\\
Ціха ўсё; вецер лістка не зварушыць,\\
Не скалыхнуцца ні траўкай паля;\\
Цёмныя цені даўжэй у лагчыне,\\
Птушкі прыстаўшай марудней палёт;\\
Сумна плыве маладзік бледна-сіні\\
Ў небе вячэрнім, зялёным, як лёд;\\
Іскрацца зорак сняжынкі маркотна,\\
Збожжа пакрылася шызай расой...\\
Кіньма жа думкі аб долі гаротнай,\\
Хоць бы на момант спачынем душой!

 


===== Падобныя старонкі =====
  * [[творы/аляксей-дудараў/аляксей-дудараў-вечар-603]]
  * [[творы/цішка-гартны/цішка-гартны-зімовы-вечар]]
  * [[творы/янка-журба/янка-журба-у-зімовы-вечар]]
  * [[творы/эдзі-агняцвет/эдзі-агняцвет-ціхі-вечар]]
  * [[творы/аляксей-дудараў/аляксей-дудараў-вечар]]