~~META:
title = Максім Багдановіч — Ах ты, сонца-сонейка
&keywords = віну, раненька, позненька, вінуй
&abstract = Верш Максіма Багдановіча "Ах ты, сонца-сонейка"
&iftrue = nan
~~

====== Максім Багдановіч — Ах ты, сонца-сонейка ======
– Ах ты, сонца-сонейка,\\
я на цябе віну маю,\\
віну маю вялікую:\\
што ты раненька

ўзыходзіш,

што ты позненька

заходзіш.

\\
– Ах ты, дзеўка-дзеванька!\\
Не вінуй жа ты мяне,\\
вінуй жа свайго пана:\\
хоць я раненька ўзыду,\\
цябе на ніўцы знайду,\\
хоць я позненька зайду,\\
цябе на ніўцы кіну.

 


===== Падобныя старонкі =====
  * [[ibdc.ped>сонца-не-стаіць-на-месцы]]
  * [[творы/эдзі-агняцвет/эдзі-агняцвет-галоўны-дворнік]]
  * [[ibdc.ped>гімн-жыццю]]
  * [[творы/васіль-вітка/васіль-вітка-хто-памагае-сонцу]]
  * [[творы/якуб-колас/якуб-колас-усход-сонца]]