~~META:
title = Леанід Дранько-Майсюк — Ёсць нешта польскае ў табе – таемнасць тая...
&keywords = ведаю, жадаю
&abstract = Чытаць санет Леаніда Дранько-Майсюка "Ёсць нешта польскае ў табе – таемнасць тая..."
&iftrue = nan
~~

====== Леанід Дранько-Майсюк — Ёсць нешта польскае ў табе – таемнасць тая... ======
Ёсць нешта польскае ў табе – таемнасць тая,\\
Не падуладная Міцкевічу самому.\\
Я разгадаць яе не дам нікому,\\
Аднак і сам ніяк не разгадаю.\\
\\
I не спрабую нават, не жадаю\\
I ведаю – да смерці маладому\\
Як добра быць, калі вартуюць стому\\
Падсвечнік бронзавы і свечка залатая...\\
\\
Таемнасць, маладосць – бальзам адзіны,\\
Адзіны для мужчыны і жанчыны,\\
Які дапамагае не старэць.\\
\\
Але мацней жаданне – піць і плакаць,\\
Крыштальны туфлік твой мяняць на лапаць\\
I ні сяброў ні ворагаў не мець.\\
\\
5 студзеня 1995

 


===== Падобныя старонкі =====
  * [[творы/максім-багдановіч/максім-багдановіч-санет-паміж-пяскоў-егі]]
  * [[слоўнік/вянок-санетаў]]
  * [[слоўнік/санет]]
  * [[творы/янка-купала/янка-купала-для-зямлі-прадзедаў-маіх]]
  * [[творы/максім-багдановіч/максім-багдановіч-санет-замёрзла-ноччу-ш]]